'საოცნებო მწვერვალზე ავედით,'- მთამსვლელების ექსპედიცია შვეიცარიისა და საფრანგეთის ალპების დასალაშქრად

ბექარ ფაჯიშვილი და ქუთაისელი თემურ ქურდიანი შვეიცარიისა და საფრანგეთის ალპების მოსანახულებლად გაემგზავრნენ. მათ ექსპედიციის ფარგლებში რამდენიმე საინტერესო მთა და მარშრუტი აქვთ შერჩეული. ამის შესახებ მთამსვლელი ბიჭები სოციალურ ქსელში წერენ:

„დიდი ხნის წინ ჩაფიქრებული ექსპედიცია მოახლოვდა. მე და თემო მივდივართ შვეიცარიისა და საფრანგეთის ალპებში, სადაც რამდენიმე საინტერესო მთა და მარშრუტი გვაქვს შერჩეული. ჩვენი მოგზაურობის განმავლობაში მიმდინარე ამბებს და სიახლეებს დროდადრო გაგიზიარებთ“.

მთამსვლელებისათვის ერთ-ერთი ასეთი საინტერესო მარშრუტი მატერჰორნი აღმოჩნდა. ბიჭები დიდი ხნის ნანატრ მწვერვალზე ავიდნენ.

„გუშინ მე და თემო მატერჰორნზე კლასიკური გზით ავედით. სამწუხაროდ თავდაპირველად განზრახულ მარშრუტზე, ჩრდილოეთ კედელზე არახელსაყრელი პირობები იყო. ახალი მოსული თოვლის პირობებში კლასიკური მარშრუტიც საკმაოდ გართულდა. მიუხედავად ამისა, მაინც ხალისით ავედით დიდი ხნის ნანატრ მწვერვალზე,“- წერს ბექარ ფაჯიშვილი სოციალურ ქსელში და მოგზაურობის ამსახველ ფოტოებსაც გვიზიარებს.

ავტორი: ქეთი გელაშვილი