ვანის საჯარო და კერძო სკოლებში მიმდინარე წელს 248 პირვეკლასელი ისწავლის

თარიღი : 16-09-2019, 18:50 | კატეგორია: ახალი ამბები

ვანის მუნიციპალიტეტის მასშტაბით არსებულ 30 საჯარო სკოლაში სასწავლო პროცესი განახლდა.

ვანის მუნიციპალიტეტის მერი ალექსანდრე გოგორიშვილი,ვანის საგანმანათლებლო რესურსცენტრის უფროსი ივანე კორძაძე, ვანის მუნიციპალიტეტის საკრებულოს წევრი ქ.ვანის მაჟორიტარი დეპუტატი ბიჭიკო პაიკიძე, მუნიციპალიტეტის მერიისა და საკრებულოს წარმომადგენლები ქალაქ ვანის N1 და N2 საჯარო სკოლაში მივიდნენ, მოსწავლეებს და პედაგოგებს ახალი 2019-2020 სასწავლო წლის დაწყება მიულოცეს. მოგვიანებით ხელისუფლების წარმომადგებლები ახლად რეაბილიტირებულ N2 საჯარო სკოლის პედაგოგების და მოსწავლეთა მონაწილეობით გამართულ საზეიმო კონცერტს დაესწრნენ. ღონისძიებას ესწრებოდნენ მოწვეული სტუმრები.

წელს ვანის მუნიციპალიტეტის საჯარო და კერძო სკოლებში სულ 248 პირველკლასელი ირიცხება. სჯარო სკოლის ყველა პირველკლასელ მოსწავლეს საქართველოს განათლების, მეცნიერების, კულტურისა და სპორტის სამინისტროს მიერ ახალი პორტატული კომპიუტერები და სასწავლო სახელმძღვანელოები გადაეცათ.

ნანახია: 949-ჯერ