"პატრიოტთა ალიანსის" კადრები მერიას საკუთარი სურვილით ტოვებენ

ქუთაისის მერიას „პატრიოტთა ალიანსის“ კადრები საკუთარი განცხადების საფუძველზე ტოვებენ.
ქუთაისის საკრებულოს ყოფილი თავმჯდომარის თამაზ მარგველაშვილის შემდეგ, თანამდებობა ქალაქის ერთ-ერთმა ვიცე-მერმა გია შარაბიძემ დატოვა. შარაბიძე მერიაში ეკონომიკურ ბლოკს კურირებდა.
„გადაწყვეტილება საკუთარი სურვილით მივიღე. არავის ზემოქმედება და ზეწოლა არ ყოფილა. სად გავაგრძელებ მუშაობას, წინასწარ ვერაფერს გეტყვით, თუმცა უმუშევრობას არ ვაპირებ,“ - განუცხადა Topnews.com.ge-ს გია შარაბიძემ.
შეგახსენებთ, რომ ქუთაისის მერიას სამი ვიცე-მერი ჰყავს.