ქუთაისში ვასილ კიკვიძის ძეგლი წითლად შეღებეს

ქუთაისში, საბჭოთა არმიის სარდლის ვასილ კიკვიძის ძეგლს წითელი ფერის საღებავი შეასხეს. ქალაქის ერთ-ერთ ცენტრალურ სკვერში მდებარე ძეგლი ქუთაისის საკრებულოს ფრაქცია „ნაციონალების“ დეპუტატმა გია გოქაძემ შეღება.
„23 თებერვალი დღევანდელი დღე საბჭოთა არმიის დღეა და ის საბჭოთა არმიის სარდალსა და უკრაინის დამოუკიდებლობის წინააღმდეგ მებრძოლ ვასილ კიკვიძეს უკავშირდება. გადავწყვიტეთ ძეგლის შეღებვით სოლიდარობა გამოგვეცხადებინა უკრაინისათვის,“ - ამბობს იმერეთის ყოფილი ვიცე-გუბერნატორი ამირან ძოწენიძე.
ვასილ კიკვიძის ძეგლის ქუთაისში არსებობის მოწინააღმდეგეთა განცხადებით, მათ თვითონ ძეგლის საწინააღმდეგო არაფერი აქვთ.ამიტომ, მათივე განცხადებით, კარგი იქნება თუ კიკვიძის ძეგლი რომელიმე მუზეუმში დაიდებს ბინას.