როგორ აპირებს ავტოქარხნის მაჟორიტარი საკუთარ ოლქში მცხოვრები მოქალაქეების დასაქმებას

ქუთაისის საკრებულოს წევრი და ავტოქარხნის ადმინისტრაციული ერთეულის მაჟორიტარი მერაბ კვიცარიძე საკუთარ ოლქში მცხოვრები ადამიანების დასაქმებაზე იზრუნებს.

მაჟორიტარის თქმით, ადამიანთა დასაქმების განრიგის შედგენას მათი პროფესიების მიხედვით გეგმავს.

"დავიწყე ახალი, დასაქმების პროექტი, რომელიც ავტოქარხნის ადმინისტრაციულ ერთეულში მცხოვრებ მოსახლეობას სამსახურის პოვნაში დაეხმარება. დღეს შ.პ.ს."იმერნათში" ნიკეას მაჟორიტარ დეპუტატთან, კახა ბოჭორიშვილთან ერთად ვიმყოფებოდი, სადაც მუშაობა ავტოქარხნის ადმინისტრაციულ ერთეულში მცხოვრებმა შვიდმა ქალბატონმა დაიწყო. ასევე, პროფესიების მოხედვით ვგეგმავ განრიგის შედგენას, რომლის მეშვეობითაც ჩემს სამაჟორიტარო ოლქში მცხოვრებლებს დასაქმებაში დავეხმარები,"- ამბობს მერაბ კვიცარიძე.