ქუთაისში, მესხიშვილის თეატრის წინ, კონსტიტუციის მუსიკალურ-თეატრალური კითხვა გაიმართება

ქუთაისში, მესხიშვილის თეატრის წინ, მესხიშვილის თეატრის მსახიობები, ღამის კლუბ „რეფლექტორის“ დიჯეებსა და რეპ მოძრაობა „მოხეტიალეებთან“ ერთად, საქართველოს კონსტიტუციის თეატრალურ კითხვას მოაწყობენ. მანამდე მოიხატება ბანერი, სამოქალაქო მოწოდებით „ისწავლე თავისუფლება! იკითხე კონსტიტუცია!“. ბანერის მოხატვის პროცესში ნებისმიერ მსურველს შეეძლება მონაწილეობის მიღება.

„ჩვენ ყველგან და ყოველთვის ვაპირებთ ვილაპარაკოთ სამოქალაქო ენით და ახალი ფორმებით პრობლემებზე, რომელიც ერთნაირად გვაწუხებს. კონსტიტუცია არის ის, რაც გვაერთიანებს. ამ პერფომანსის ორიგინალური ფორმატიც მისი პოპულარიზაციისთვის ავარჩიეთ და ეს არ იქნება ერთჯერადი. თავისუფლების სწავლა კონსტიტუციის პატივისცემით იწყება,"- ამბობს პეფომანსის რეჟისორი რეზი ქაროსანიძე.

კონსტიტუციის მუსიკალურ-თეატრალური კითხვა, მესხიშვილის თეატრის წინ დღეს, 3 ივლისს, საღამოს 9 საათზე დაიწყება.