ხონში სასკოლო სპორტული ოლიმპიადის გამარჯვებული სკოლები დააჯილდოვეს

ხონში სასკოლო სპორტული ოლიმპიადის გამარჯვებულები ადგილობრივი ხელისუფლების წარმომადგენლებმა დააჯილდოვეს.

უკვე მეორე წელია ხონის სასპორტო სკოლის ორგანიზებით ოლიმპიადა სპორტის 6 სახეობაში - კალათბურთში, ფეხბურთში, ფრენბურთში, ჭადრაკში, მძლეოსნობასა და თავისუფალი სტილით ჭიდაობაში ტარდება.

ოლიმპიადაში სულ 21 სკოლა იყო ჩართული, საბოლოო შედეგები კი ასე გადანაწილდა:

I ადგილი- მესამე საჯარო სკოლა;
II ადგილი - პირველი საჯარო სკოლა;
III ადგილი - მეოთხე საჯარო სკოლა.

სასპორტო სკოლის ხელმძღვანელობის განცხადებით აღნიშნული ოლიმპიადა ტრადიციულია და შეჯიბრებებს ყოველ წელს სპორტის სხვადასხვა სახეობები ემატება.