ვინ არიან საერთაშორისო ტურნირებში გამარჯვებული კარატისტები, რომლებიც ქუთაისის მერმა დააჯილდოვა

ქუთაისის მერმა გიორგი ჭიღვარიამ საერთაშორისო ტურნირებში გამარჯვებული კარატისტები დააჯილდოვა.

იმერეთის კარატეს ფედერაციის პრეზიდენტმა, ზვიად შალიკიანმა ქალაქის მერს, ახალგაზრდა სპორტსმენები თამაზ გოჩელაშვილი, ილია ახალაია და ზვიად ვასაძე წარუდგინა, რომლებიც სამშობლოში სხვადასხვა მედლებითა და ჯილდოებით დაბრუნდნენ.

რუმინეთში, რიგით მე-10 მსოფლიო ჩემპიონატი კარატეში ერთი თვის წინ ჩატარდა.

ქუთაისიდან სპორტსმერნებმა საუკეთესო შედეგი აჩვენეს. თამაზ გოჩელაშვილმა პირველი ადგილი ორ კატეგორიაში აიღო და შესაბამისად 2 ოქროს მედალი მოიპოვა.

ილია ახალაიამ კი ერთი ვერცხლი და ერთი ბრინჯაო მოიპოვა.

ზვიად ვასაძე პარასპორტსმენი ესპანეთში ევროპოს პარა-კარატეს ჩემპიონატზე იმყოფებოდა. მან ვერცხლის მედალი აიღო.

ქუთაისის მერმა გიორგი ჭიღვარიამ, ვიცე-მერმა დავით ერემეიშვილმა და საკრებულოს დეპუტატმა ნიკოლოზ ჩეჩელაშვილმა სპორტსმენებს სამახსოვრო საჩუქრები გადასცეს.