ხარაგაულში სტიქიის ზონაში გზების გაწმენდა მიმდინარეობს

ხარაგაულში, სტიქიის ზონაში იმყოფებიან იმერეთის მხარის რწმუნებულის პირველი მოადგილე, ზვიად შალამბერიძე და ხარაგაულის მერი ნიკოლოზ თოფურიძე.

მხარისა და ადგილობრივი თვითმმართველობის წარმომადგენლები ადგილზე ითვლიან მიყენებულ ზარალს.

გვიან ღამით მოსულმა უხვმა ნალექმა ხარაგაულში ჩხერიმელას ხეობის სოფლებში პრობლემები შექმნა. დაზიანებულია ინფრასტრუქტურა და წაღებულია ხიდები.

ამ დროისთვის სტიქიის ზონაში გზების გაწმენდა მიმდინარეობს.

საგანგებო რეჟიმში მუშაობს ხარაგაულის მერიაში შექმნილი შტაბი.