ქუთაისის საკრებულოს თავმჯდომარე კოლეგას უპირისპირდება-არ ვაპირებ მასთან ერთად მუშაობას

ქუთაისის საკრებულოს თავმჯდომარის ნიკოლოზ ლატარიას განცხადებით, ის აპირებს დეპუტატ ნანა კოსტავასთან ერთად იმუშაოს.

როგორც ლატარიამ ჟურნალისტებთან საუბრისას განაცხადა, მან კოლეგას საკრებულოს დატოვებისკენ მოუწოდა.

„ჩვენ რაც შეგვეძლო გავაკეთეთ-ნანა კოსტავა გადადგა საკრებულოს ფრაქცია „ქართული ოცნება-კონსერვატორების“ თავმჯდომარის თანამდებობიდან. რაც შეეხება საკრებულოდან წასვლას, გადაწყვეტილება მან თავად უნდა მიიღოს. იურიდიულად საკრებულოს არ აქვს იმის შესაძლებლობა, რომ მას მანდატი დაატოვებინოს,“- აცხადებენ ქუთაისის საკრებულოში.

ცნობისთვის, ქუთაისის საკრებულოს ფრაქცია "ქართული ოცნება-კონსერვატორების" თავმჯდომარეს ნანა კოსტავას მოქალაქეები მას შემდეგ დაუპირისპირდნენ, რაც მან სოციალურ ქსელში ბლოგერ სალომე ბარკერის ფოტო გაიზიარა წარწერით: კაი დღეში ხარ, ახლა იცინე!