მერიის ყოფილი თანამშრომელი: მოგმართავთ საჯაროდ -აღმადგინეთ კანონიერების ფარგლებში!

ქუთაისის მერიის ყოფილი თანამშრომელი მერი კახიანი სამსახურში აღდგენას ელოდება. კახიანმა, რომელიც გასული წლის ზაფხულში, რეორგანიზაციის შედეგად გაათავისუფლეს, ქუთაისის საქალაქო სასამართლოში მერიის წინააღმდეგ დავა მოიგო.
„მერიიდან თეთრი კვამლი ამოვიდა... პატრიოტთა საძმო დამარცხებულია!-დროებით მაინც! შოთა მურღულიას გათავისუფლების უკანონო და უზნეო ბრძანება გაუქმებულია. Zaza Meparishvili შოთა მურღულია / Shota Murgulia Levan Kirkitadze ბატონებო: უზნეო თოფურიძის, გოჩა კორლეონეს და მათ ხელში ბრიყვად ქცეული დიმიტრი კოპალიანის 2013 წლის 21 ივნისის ჩემი გათავისუფლების ბრძანება საქალაქო სასამართლომ გააუქმა. მოგმართავთ საჯაროდ -აღმადგინეთ კანონიერების ფარგლებში! მოთმინებით დაველოდები თქვენს კანონიერ, სამართლიან,ზნეობრივ რეაქციას/პასუხს/დამოკიდებულებას კომპეტენციის ფარგლებში. P.s. ბატონო ზაზა, იმედი მაქვს ამჯერად მაინც დაინტერესდებით, შეასრულებთ თქვენს სიტყვას და შეხვედრისთვის გამოძებნით დროს,“ -წერს კახიანი.