Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

'ევროპის დღეების' ფარგლებში, ქუთაისში ადგილობრივი თვითმმართველობების პრესსამსახურებისათვის ტრენინგები გაიმართა

თარიღი : 17-05-2019, 18:48 | კატეგორია: ახალი ამბები   
topnews.com.ge
"ევროპის დღეები 2019-ის" ფარგლებში, ქუთაისში, იმერეთის რეგიონის ადგილობრივი თვითმმართველობის და უმაღლესი სასწავლებლების საზოგადოებასთან ურთიერთობის სამსახურის წარმომადგენლებისთვის ტრენინგი გაიმართა. ტრენინგზე განიხილული იყო ევროპული და ევროატლანტიკური ინტეგრაციის ძირითადი საკითხები და ამ მიმართულებით არსებული სარგებელი და გამოწვევები.

ტრენინგის მონაწილეებთან საგარეო საქმეთა სამინისტროს ევროკავშირის დახმარების კოორდინაციისა და სექტორული ინტეგრაციის დეპარტამენტის დირექტორი დავით ბუჯიაშვილი განიხილავდა ისეთ საკითხებს, როგორიცაა: ევროკავშირის ისტორია, საქართველოს ევროკავშირთან ინტეგრაციის პროცესი და გამოწვევები; ევროკავშირის დახმარებები საქართველოსთვის.

საგარეო საქმეთა სამინისტროს ნატოში ინტეგრაციის დეპარტამენტის დირექტორმა დავით ნარდაიამ მონაწილეებს ნატოს ისტორიაზე, ნატო საქართველოს ურთიერთობებსა და სამომავლო პერსპექტივებზე ესაუბრა.

„ტრენინგის მონაწილეობს საშუალება ქონდათ უვიზო მიმოსვლის შესახებ მეტი ინფორმაცია გაეგთ. გაცნობოდნენ მიგრაციის კუთხით არსებულ ვითარებას. მნიშვნელოვანია, რომ მათ ქონდათ საშუალება წყალტუბოს მუნიციპალიტეტში ENPARD-ის სოფლის განვითარების პროექტის შესახებ მიეღოთ ინფორმაცია, რაც მათ შესაძლებლობას აძლევთ მოხალისეობრივად თავიანთ მუნიციპალიტეტებში განახორციელონ,“ - აღნიშნა საინფორმაციო ცენტრი ნატოსა და ევროკავშირის შესახებ იმერეთის ბიუროს წარმომადგენელმა მარიკა ვაჭარაძემ.

თავის გამოსვლაში გარემოს დაცვისა და სოფლის მეურნეობის სამინისტროს სოფლის მეურნეობის მიმართულებით ევროკავშირთან ინტეგრაციის სამმართველოს უფროსი ნათია ლაპიაშვილმა DCFTA-ს შესაძლებლობებზე და სოფლის მეურნეობის საკითხებზე გაამახვილა ყურადღება.

ევროპის დღეები 5 მაისს, ოფიციალურად დაიწყო და მაისის ბოლომდე გაგრძელდება. ღონისძიებები სსიპ-ის „საინფორმაციო ცენტრი ნატოსა და ევროკავშირის შესახებ“ და საგარეო საქმეთა სამინისტროს ორგანიზებით, წელს მეშვიდედ იმართება. ევროპის დღეების მიზანია ევროკავშირისა და საქართველოს ურთიერთობების, მიმდინარე ინტეგრაციის პროცესის შესახებ საქართველოს მოქალაქეების ინფორმირება და სხვადასხვა სამიზნე ჯგუფების ჩართულობის გაზრდა.


ნანახია: 597-ჯერ

მსგავსი სიახლეები
აღნიშნული ღონისძიება სსიპ საინფორმაციო ცერნტრი ნატოსა და ევროკავშირის შესახებ იმერეთის ბიუროს, ქუთაისის მერიის და ქალაქის
შეხვედრების ფარგლებში სამთავრობო სტრუქტურების წარმომადგენლებმა და ექპერტებმა ადგილობრივი თვითმმართველობის წარმომადგენლებს კიდევ

ამინდი