წყალტუბოს მუნიციპალიტეტის მერმა და პირველმა მოადგილემ ინფრასტრუქტურული სამუშაოები დაათვალიერეს

წყალტუბოს მუნიციპალიტეტის მერმა გრიგოლ იოსელიანმა და მერის პირველმა მოადგილემ ზურაბ მაისურაძემ, მუნიციპალიტეტში მიმდინარე ინფრასტრუქტურული სამუშაოები დაათვალიერეს.

ქალაქ წყალტუბოში, ადგილობრივი ბიუჯეტით დაფინანსებული პროექტით თამარ მეფის ქუჩაზე №1, №3, №9, №11, №12, №13, №15 და №18 -ში მდებარე მრავალბინიანი საცხოვრებელი სახლების ეზოების გზის ბეტონის საფარით რეაბილიტაცია დასრულებულია . გაკეთებულია სანიაღვრე არხები და ცხაურები. სამუშაოების ღირებულება შეადგენს 311110 ლარს. პროექტის ბენეფიტია მინიმუმ 250-ზე მეტი ოჯახი.

რეგიონული განვითარების ფონდის დაფინანსებით და ადგილობრივი ბიუჯეტის 5%-იანი წილით სოფელ მაღლაკში, ჟორჟორიალიანების უბანში გზის ბეტონის საფარით მოწყობის სამუშოების მეორე ეტაპი მიმდინარეობს. სამუშაოების პირველ ეტაპს შპს. „მიმდემი“ ახორციელებდა, ამჟამად შპს. „ბეტკო“ მუშაობს. როგორ ადგილობრივები ამბობენ, ამ სოფელში შიდა გზები არასოდე დაგებულა. სამუშაოების ღირებულება 503. 660 ლარია.
სოფელ ფარცხანაყანევში, ასევე მეორე ეტაპია გზის ბეტონის საფარის სამუშაოები რეხის ტყის უბანში, ღირებულება - 317 608 ლარი.