რატომ დატოვა თანამდებობა იმერეთის გუბერნატორმა - შავლეგო ტაბატაძის პირველი კომენტარი

იმერეთის გუბერნატორმა შავლეგო ტაბატაძემ თანამდებობა დატოვა. ამის შესახებ ჟურნალისტებს პრემიერმინისტრმა მამუკა ბახტაძემ განუცხადა.

შავლეგო ტაბატაძემ იმერეთის ახალი ამბების სააგენტო topnews.com.ge-სთან საუბრისას მისი გათავისუფლების შესახებ ინფორმაცია არც უარყო და არც დაადუსტრა. გუბერნატორმა განგვიცხადა, რომ ამის შესახებ მოგვიანებით თავად გააკეთებს განცხადებას.

„ თქვენი ხმა არ მესმის, მოგვიანებით დამირეკეთ ან მე თვითონ გავაკეთებ განცხადებას“ - განაცხადა ტაბატაძემ.

topnews.com.ge-ს ინფორმაციით შავლეგო ტაბატაძე სამხედრო სამსახურში აპირებს დაბრუნებას.

შავლეგო ტაბატაძე იმერეთის გუბერნატორის თანამდებობაზე გასული წლის 19 აგვისტოს დაინიშნა.