მინი ფეხბურთში იმერეთის რეგიონული თამაშების გამარჯვებული ქალაქ ხონისა და სოფელ ნახახულევის სკოლების გუნდები გახდა

სასკოლო სპორტული ოლიმპიადის რეგიონულ თამაშებში ხონის მუნიციპალიტეტის გუნდებმა საპრიზო ადგილები დაიმსახურეს.

მინი ფეხბურთში იმერეთის რეგიონული თამაშების გამარჯვებული და ვაჟთა შორის პირველი ადგილის მფლობელი ხონის მუნიციპალიტეტის სოფელ ნახახულევის საჯარო სკოლის გუნდი გახდა.

კალათურთში მეორე ადგილების მოიპოვეს ქალაქ ხონის მეორე საჯარო სკოლის ვაჟთა გუნდმა და ქალაქ ხონის მესამე საჯარო სკოლის გოგონათა გუნდებმა.

ქუთაისის სასპორტო სკოლაში გამართულ რეგიონულ თამაშებს ხონის მუნიციპალიტეტის მერის მოადგილე მანანა გოფოძე, განათლების რესურსცენტრის ხელმძღვანელი ხათუნა ყურაშვილი, ადგილობრივი ხელისუფლების სხვა წარმომადგენლები, პედაგოგები და გულშემატკივრები ესწრებოდნენ.

სპორტსმენები თასებით, მედლებითა და სიგელებით დაჯილდოვდნენ. რეგიონული თამაშების გამარჯვებული გუნდები პირველობისთვის ბრძოლას ზონალურ ეტაპზე გააგრძელებენ.