'უცნობმა პირმა ეზოში ბენზინით სავსე ბოთლები შეაგდო,'-ქუთაისში საცხოვრებელი სახლი დაიწვა

ქუთაისში, ავტოქარხნის დასახლებაში, ე. წ. დაჩების ტერიტორიაზე საცხოვრებელი სახლი მთლიანად დაიწვა.

მეპატრონის თქმით, უცნობმა პირმა ეზოში ბენზინით სავსე ბოთლები შეაგდო, რის შემდეგად საწვავი აალდა და ცეცხლი სახლს მოედო.

შემთხვევას მსხვერპლი არ მოჰყოლია. მეპატრონემ სახლიდან გამოსვლა დროულად მოასწრო. ადგილზე რამდენიმე სახანძრო და სამაშველო ბრიგადა მუშაობდა.