ქუთაისში, ასათიანის ქუჩაზე ძლიერმა ქარმა ხეები მოგლიჯა

ქუთაისში ძლიერმა ქარმა ასათიანის ქუჩაზე ხეები მოგლიჯა. ამ წუთებში ქუჩიდან მოგლეჯილი ხეების გატანის სამუშაოები მიმდინარეობს.

როგორც მერიაში აცხადებენ, ხეები საფრთხეს უქმნიდა მოსახლეობას.

ადგილზე იმყოფებიან საგანგებო სიტუაციების მართვის სამსახურის თანამშრომლები და ქუთაისის მერიის ა(ა)იპ სპეციალური სერვისების წარმომადგენლები.

მერიის ინფორმაციით, ამ დროისთვის, ქალაქში სხვადასხვა მისამართზე მსგავსი საფრთხეების აღმოფხვრის სამუშაოები მიმდინარეობს.