'ბინა მეყიდებოდა, ადვოკატი ავიყვანე და იმის მევახშე მეგობარმა იყიდა ჩემი ბინა,'- იპოთეკური სესხით დაზარალებული მოქალაქე პროკურატურას უმოქმედობაში ადანაშაულებს

იპოთეკური სესხით დაზარალებული მარინა სუპატაშვილი პროკურატურას უმოქმედობაში ადანაშაულებს.

საბანკო სესხებით დაზარალებულის თქმით, ადვოკატების მხრიდან თაღლითური სქემის მსხვერპლი გახდა, პროკურატურა კი საქმეს არ იძიებს.

“ქუთაისში ძალიან მომრავლდნენ მევახშე ადვოკატები. ბინა მეყიდებოდა ადვოკატი ავიყვანე და იმის მევახშე მეგობარმა იყიდა ჩემი ბინა. ესენი შეკრულები არიან პოლიციასთან, პროკურატურასთან და ძალოვან უწყებებთან. საკუთარი სახლიდან რომ ვერ გამომასახლეს, შუქი ჩამიჭრეს და ისე მაწამეს. პროკურატურა კიდევ უმოქმედოა,”- აცხადებს დაზარალებული მარინა სუპატაშვილი.