ქუთაისში დავითობა აღინიშნება

დავითობასთან დაკავშირებით ქუთაისის მერის მოვალეობის შემსრულებელმა შოთა მურღულიამ და ადგილობრივი თვითმმართველობის სხვა წარმომადგენლებმა დავით აღმაშენებლის ძეგლი გვირგვინით შეამკეს.

მოგვიანებით, ქალაქის ხელმძღვანელობამ გელათის მონასტერში გადაინაცვლა.

გელათის სამონასტრო კომპლექსში, სადაც დავით აღმაშენებელია დაკრძალული, დილიდან საქართველოს სხვადასხვა კუთხიდან ჩოხოსნები ჩადიან.

ტაძარში საზეიმო წირვას ქუთათელ-გაენათელი მიტროპოლიტი მეუფე კალისტრატე აღავლენს.