„დამზადებულია იმერეთში“- პროექტი იმერეთში ბიზნესის პოპულარიზაციისთვის

საინფორმაციო სააგენტო Topnews.com.ge აგრძელებს პროექტს- ,,დამზადებულია იმერეთში“. პროექტის მიზანს იმერეთის რეგიონში შემავალ მუნიციპალიტეტების სოფლებსა და ქალაქებში არსებული ბიზნეს, სამეწარმეო და სამრეწველო საქმიანობების პოპულარიზაცია წარმოადგენს. რუბრიკის ფარგლებში საუბარი ბაზარზე არსებულ უხარისხო პროდუქტსაც შეეხება.

ამჟამად, ადგილობრივ ბაზარზე ბევრი პროდუქტი მზადდება, თუმცა მოსახლეობა ნაკლებადაა ინფორმირებული მათ ხარისხზე. ნაკლები ხარისხი კი პროდუქციის რეალიზაციის დაბალ ფასს განაპირობებს. სწორედ მომხმარებელთა დაკვეთით, ბაზარზე ჩნდება ახალი სახელები, ზოგიერთი კი საერთოდ ქრება.

საინფორმაციო სააგენტო Topnews.com.ge პროექტის -"დამზადებულია იმერეთში“ ფარგლებში, რეგულარულად შესთავაზებს მოსახლეობას ინფორმაციას ბაზარზე არსებული სიახლეების თუ პრობლემების შესახებ.