ქუთაისში ახალგაზრდა მამაკაცი გრიპის გართულებით გარდაიცვალა

ქუთაისში, 24 წლის კაცი სავარაუდოდ გრიპის ვირუსით გარდაიცვალა.

პაციენტი ქუთაისის დასავლეთ საქართველოს ინტერვენციული მედიცინის ცენტრში ჰყავდათ მოთავსებული. მედიკოსები კომენტარს არ აკეთებენ.

ლაბორატორიული კვლევის შედეგით მოგვიანებით გახდება ცნობილი, გახდა თუ არა გარდაცვალების მიზეზი ე.წ „ღორის გრიპი“.

არსებული ინფორმაციით, მამაკაცი ჩოხატაურის მკვიდრია.

ის რომ, 27 წლის მამაკაცი გრიპის ვირუსით გარდაიცვალა, მოგვიანებით დაადასტურა დაავადებათა კონტროლის ეროვნული ცენტრის დირექტორმა ამირან გამყრელიძემ.

შესაბამისი განცხადება მან ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ დავით სერგეენკოსთან ერთად გამართულ პრესკონფერენციაზე გააკეთა.

„გიდასტურებთ ინფორმაციათ, რომელიც ქუთაისის რეფერალურ საავადმყოფოში 27 წლის მამაკაცის გარდაცვალებასთან დაკავშირებით გავრცელდა. ეს დადასტურებულია ლაბორატორიულად. სამწუხაროდ, დღევანდელი რიცხვით ამ სეზონზე ლაბორატორიულად დადასტურებული გარდაცვალების 15 შემთხვევა გვაქვს“, - განაცხადა გამყრელიძემ.