ქუთაისში, ავტოქარხნის დასახლებაში მომხდარმა ავარიამ სასმელი წყლის მიწოდების შეწყვეტა გამოიწვია

ქუთაისში, ქალაქის ნაწილს სასმელი წყალი არ მიეწოდება.

საქართველოს გაერთიანებული წყალმომარაგების კომპანიის ქუთაისის სერვის-ცენტრში აცხადებენ, რომ წყალმომარაგების შეწყვეტის მიზეზი ავტოქარხნის დასახლებაში მომხდარი ავარია გახდა.

სერვის-ცენტრის ხელმძღვანელი განმარტავს, რომ ამჟამად დაზიანების ადგილი აღმოჩენილია და ბრიგადა ხარვეზის აღმოსაფხვრელად მუშაობს.