„იანვარში სესიები ვერ ჩატარდება, რადგან ტექნიკა და აპარატურა ქუთაისიდან თბილისში უნდა გადაიტანონ"

პარლამენტის ვიცე-სპიკერის თამარ ჩუგოშვილის თქმით, მომდევნო წელს დეპუტატები კანონშემოქმედებით საქმიანობას, სრული დატვირთვით თბილისში გააგრძელებენ.
საპარლამენტო უმრავლესობის თქმით, იანვარში სესიები ვერ ჩატარდება, რადგან ტექნიკა და აპარატურა ქუთაისიდან თბილისში უნდა გადაიტანონ.

"გუშინ, 11 საათის განმავლობაში გვქონდა რეგლამეტის პროექტის განხილვა მეორე მოსმენით, სამწუხაროდ, ოპოზოცია არ ესწრებოდა ამ განხილვას. ერთ–ერთი მნიშვნელოვანი ცვლილება, რომელიც შევიდა პროექტში შეეხება კომიტეტზე დაბარებას პარლამენტის წინაშე ანგარიშვალდებული პირების. ამ ცვლილებით, რომელიც არასამთავრობო ორგანიზაციების მიერ იყო დაყენებული, ფრაქციას ექნება უფლება დაიბარონ ანგარიშვალდებული პირი კომიტეტზე, ეს იყო მგონი, ასევე ოპოზოციის ერთ–ერთი მოთხოვნა და არის გათავლისწინებეული. გვაქვს ასევე ბევრი საკითხი, რომლებმაც პარლამენტის მუშაობისა და საქმიანობის ხარისხიზე უნდა უპასუხოს საზაგადოების მოთხოვნებს. ასევე მინდა გითხრათ, რომ იანვარში სესიები არ გაიმართება, რადგან აპარატურა ქუთაისიდან თბილისში უნდა გადაიტანონ, მომდევნო წელს პირველი სესია კი თბილისში ჩატარდება,“–განაცხადა თამარ ჩუგოშვილმა.