„ქართულმა ოცნებამ“ შეცდომების მთელი კასკადი დაუშვა - ომარ ნიშნიანიძე მმართველ პარტიას დახმარებას სთავაზობს

"ქართული ოცნების" წევრი და ყოფილი პარლამენტარი ომარ ნიშნიანიძე საპრეზიდენტო არჩევნების მეორე ტურს ეხმაურება.

ომარ ნიშნიანიძის თქმით, ის მზად არის, „ქართული ოცნების“ მუშაობაში ჩაერთოს და სალომე ზურაბიშვილს არჩევნების მეორე ტურში დახმარება აღმოუჩინოს.

„ქართულმა ოცნებამ“ გარკვეული შეცდომების მთელი კასკადი დაუშვა. ჩვენ გამოცდილ ხალხს, გვარდიას გვერდზე გაგვწიეს, გასაგებია, მაგრამ რჩევა მაინც რომ ეკითხათ, ეს იქნებოდა კარგი. ამას ველოდი, ჩემი ძველი კოლეგები და ახლებიც გავაფრთხილე, რომ ეს ასე იქნებოდა, მაგრამ ერთ ყურში შეუშვეს, მეორეში გაიშვეს. ასეთ დალაგებას ასეთი დაცემა მოჰყვება. 2020 წლისთვის კეთილი ინებოს „ქართულმა ოცნებამ“, ჩემმა ძველმა მეგობრებმა, ჩემმა თანამებრძოლებმა, ყველამ ერთად, რომ მეტად შევიკრათ, მეტი გავაკეთოთ, ხალს უფრო მეტად დავუდგეთ გვერდში. რაც შეეხება ბატონმა ბიძინას, რომელმაც ახსენა გულგატეხილობა, საკადრო პოლიტიკა, სოციალური პრობლემები, რომელიც ქვეყანაში, ვეთანხმები და ეს ნამდვილად ასეა,“- განაცხადა “ძველი გვარდიის“ წარმომადგენელმა, ომარ ნიშნიანიძემ.