„ბიზნესბლიცის" სტუმარია „ტობეს" გენერალური დირექტორი თენგიზ ჩირაძე

„ბიზნესბლიცი“- ასე ჰქვია ახალ რუბრიკას, რომელიც იმერეთის მთავარმა საინფორმაციო სააგენტომ topnews.com.ge-მ დაიწყო.
აღნიშნული რუბრიკის საშუალებით, ახალი ამბების სააგენტო, იმერეთში მოქმედ საქმიან ადამიანებს საშუალებას მისცემს, საკუთარი თავი ახლო და განსხვავებული ხედით საზოგადოებას წარუდგინოს.
„ბიზნესბლიცის“ პირველი სტუმარი შპს "ტობეს“ გენერალური დირექტორი, თენგიზ ჩირაძეა.

ჩემი პირველი სამსახური იყო - ეს იყო 1974 წელი, როდესაც დავამთავრე უნივერსიტეტი და წავედი სამუშაოდ ჟინვალჰესის მშენებლობაზე.

პირველი ხელფასი იყო - 900 მანეთი.

ახლა რომ აბიტურიენტი ვიყო - ისევ სამშენებლოზე ჩავაბარებდი, ან კიდევ თეატრალურზე.

სამსახურში მივდივარ - იყო პერიოდი ყველაზე ადრე მივდიოდი, ახლა რაც ასაკში ვარ, 10 საათზე მივდივარ.

სამსახურში დღეს ვიწყებ - ყვირილით.

ბიზნესმენის მთავარი თვისება- ბიზნესმენი უნდა იყოს კრიჟანი.

ფული ჩემთვის არის- ხელის ჭუჭყი.

როცა პენსიაზე ვიქნები- ჩემს შვილიშვილებთან ერთად ვიქნები.

ყველაზე მეტად მეშინია -არაკაცის.

ყველაზე ძალიან მინდოდა გამეკეთებინა- დამოუკიდებლად შენობის აშენება და სხვისი დახმარება.

კარიერის მისაღწევად საჭიროა - შრომისმოყვარეობა.

ვამაყობ- იმით, რომ ქუთაისელი ვარ.

ჩემი სუსტი მხარე- გულჩვილი ვარ.

საყვარელი სადღეგრძელო- ქუთაისის სადღეგრძელო.

ინფორმაციას ვიღებ - ტელევიზიით და ინტერნეტით.

ახლა ვკითხულობ- ვეღარ ვკითხულობ, თვალები მტკივა. მეუღლე კითხულობს და ის მიზიარებს.

ქვეყანა, სადაც სიამოვნებით ვიცხოვრებდი-ამერიკაში.

ყველაზე კომფორტულად თავს ვგრძნობ - ოჯახში, მეგობრებსა და სამსახურში.

ჩემი საყვარელი სპორტის სახეობაა - ფეხბურთი და ჭიდაობა.

ჩემი საყვარელი სპორტსმენი- რონალდო.

საყვარელი ფილმი- შერეკილები.