ირაკლი შენგელია: ქუთაისში ბევრი ინფრასტრუქტურული პროექტი ხორციელდება

ქუთაისის საკრებულოს თავმჯდომარის მოადგილის ირაკლი შენგელიას თქმით, ქალაქში ინფრასტრუქტურის კუთხით მნიშვნელოვანი ნაბიჯები იდგმება.

შენგელიას თქმით, ქუთაისში მიწისქვეშა კომუნიკაციების მოწესრიგების შემდეგ, საგზაო ინფრასტრუქტურის პრობლემა აღარ იარსებებს.

"არის რიგი ქუჩები სადაც გადაადგილების კუთხით არის პრობლემები, რადგან მიწისქვეშა კომუნიკაციების მოწესრიგება მიმდინარეობს. ამის შემდეგ კი მოხდება ქუჩების მოასფალტება. შემიძლია გითხრათ, რომ მიმდინარე წელს და ასევე მომდევნო წელსაც ქუთაისში მრავალი მნიშვნელოვანი ინფრასტრუქტურული პროექტი განხორციელდება,"- განაცხადა ირაკლი შენგელიამ.