'ჩვენ გვახსოვს 8 აგვისტო,'- კინო კვირეული წყალტუბოში

წყალტუბოს ახალგაზრდების საკრებულო ომის დამანგრეველი ძალის შესახსენებლად მაჟორიტარის ცოტნე ზურაბიანის ბიუროს მხარდაჭერით კინო კვირეულს იწყებს. კინო კვირეული 2008 წლის აგვისტოს ომს ეძღვნება. კვირეულის ფარგლებში შერჩეული ფილმები ეხება დიქტატურას, ფაშიზმს, მეორე მსოფლიო ომსა და 90-ანი წლების თბილისს, სამოქალაქო ომისგან გადაგვარებულ საზოგადოებას.

ფილმების ჩვენების პარალელურად მოწვეული იქნება სტუმრები, რომლებიც ფილმის მიმოხლივასთან ერთად აგვისტოს ომის თემატიკას განიხილავს. ჩვენებები დღეს 7 აგვისტოს დაიწყება და 11 აგვისტოს დასრულდება. ფილმების ჩვენება წყალტუბოს ცენტრალურ პარკში, ამფითეატრის ტერიტორიაზე, 21:00 საათიდან გაიმართება და ნებისმიერ მსურველს შეუძლია შეუერთდეს ერთობლივად ფილმის ყურების პროცესს.