გოგი წულაია მწვანეყვავილას სასაფლაოსა და პანთეონის ერთმანეთისგან გამოყოფას ითხოვს

მწვანეყვავილას სასაფლაოსა და პანთეონის ერთმანეთისგან გამოყოფას ითხოვს, პარტია „თავისუფალი საქართველოს“ იმერეთის რეგიონული ორგანზიაციის წარმომადგენლები.
პარტიის იმერეთის ორგანიზაციის თავმჯდომარის გოგი წულაიას თქმით, პანთეონი და სასაფლაო ათეული წლების წინ გამიჯნულიი იყო, თუმცა ახლა პანთეონის ტერიტორიას ადგილობრივი ხელისუფლება, როგორც სასაფლაოს ისე ასხვისებს და მიწებს ყიდის.
„როგორ შეიძლება პანთეონის ტერიტორია გაყიდო უბრალო მოქალაქეებზე. ამ პანთეონში იყო და მომავალშიც უნდა დაიკრძალოს ქუთაისელი საზოგადო მოღვაწეები. მე მოვუწოდებ საკრებულოს თავმჯდომარეს, რომ დააყენოს ეს საკითხი დღის წესრიგში და გამიჯნოს პანთეონი და სასაფლაო ერთმანეთისგან“- ამბობს წულაია.