ქუთაისელი სტუდენტები საყდრისის მაღაროზე სამუშაოების შეჩერებას ითხოვენ

ქუთაისის ცენტრალური მოედანზე, სტუდენტური გაერთიანება "მელნისფერი თაობის" ორგანიზებით აქცია გაიმართა.
სტუდენტები საყდრისის ოქროს მაღაროს შესაძლო განადგურებას აპროტესტებენ და კომპანია „RMG Gold“-ს მოუწოდებენ, მაღაროს ტერიტორიაზე უნებართვოდ დაწყებული სამუშაოები შეაჩეროს.
“საყდრისის ოქროს მაღარო 2006-2013 წელს კულტურული მემკვიდრეობის ძეგლთა ნუსხაში შედიოდა და ქართველი ხალხი არ დავუშვებთ, რომ მისი აფეთქება მოხდეს. მოვუწოდებთ ხელისუფლებას, ჩაერიოს აღნიშნულ პროცესებში და მიიღოს სახელმწიფოსთვის საჭირო გადაწყვეტილება“, - განაცხადა სტუდენტმა თამაზ თევზაძემ.