ქუთაისის მერიას ახალგაზრდები ბაკურიანში მიჰყავს

ქუთაისის მერიის სპორტის სამსახურის ინიციატივითა და ადგილობრივი ბიუჯეტის დაფინანსებით, მიმდინარე წლის 20 დან 25 თებერვლის ჩათვლით, 42 ახალგაზრდა ბაკურიანში დაგეგმილ სემინარში მიიღებს მონაწილეობას.
სემინარის თემას თვითმმართველობა, აქტიური მოქალაქეობა და ქუთაისის განვითარებაში ახალგაზრდების ჩართულობა წარმოადგენს.სემინარში მონაწილე ახალგაზრდების შერჩევა ღია კონკურსის წესით მოხდება. ხოლო სემინარის მონაწილეები სპორტისა და ახალგაზროდბის სამსახურში მოხალისის სტატუსით იმუშავებენ.
სამსახურის უფროსის მოვალეობის შემსრულებლის ვანო ბუხაიძის თქმით, პროგრამა აქამდეც ხორციელდებოდა, თუმცა მასში მონაწილე პირების შერჩევა ახლობლობით ხდებოდა.