ქუთაისში ენერგიის დამზოგავი ველოსიპედი დაიდგმება

21 მაისს, 12:00 საათზე ქუთაისის მოსწავლე - ახალგაზრდობის პარკში ენერგიის დამზოგავი ველოსიპედი დაიდგმება. იდეის ავტორი და განმხორციელებელი არასამთავრობო ორგანიზაცია სამეცნიერო-ინტელექტუალური კლუბი "თაობათა დიალოგია" (RICDOG).

"ორი თვეა ამ იდეაზე ვმუშაობთ. RICDOG-ელბს გვინდა მოსახლეობას დავანახოთ ალტერნატიული ენერგოსაშუალებების მაგალითები. გვინდა დაფიქრდნენ კლიმატური ცვლილებების წინააღმდეგ ბრძოლის სხვადასხვა საშუალებებზე. იმისთვის, რომ იდეა რეალობაში მოგვეყვანა კონსტრუქციისთვის საქართველოს მასშტაბით დაუღალავად ვეძებდით სხვადასხვა ნაწილს. საბოლოოდ ენერგიის დამზოგავი ველოსიპედი ქუთაისში ავაწვეთ და გვიხარია, რომ დაბრკოლებების მიუხედავად მიზანს მივაღწიეთ. მომავალში თუ ვინმეს სურვილი ექნება მსგავსი იდეა განახორციელოს მარტივად შეძლებს და არ დასჭირდება რამდენიმე თვე ამისთვის," - ამბობს RICDOG გენერალური მდივანი ეკატერინე მარუქაშვილი.

ელერგიის დამზზოგავი ველოსიპედს RICDOG პროექტის "СhargingEcoSpace"-ის ფარგლებში დგამს. პროექტის მიზანია შექმნას სივრცე, სადაც თემს შესაძლებლობა ექნება გამოხატოს თავისი მოსაზრებები კლიმატის ცვლილებებთან დაკავშირებით.

პროექტი "СhargingEcoSpace" 350.org-ისა და გლობალური მწვანე გრანტების ფონდის მხარდაჭერით RICDOG-ის მიერ ადგილობრივ თვითმმართველობასთან თანამშრომლობით ხორციელდება.