წყალტუბოს სოფელ ქვიტირში, ღამით ეზოში დაბმული ცხენები მოიპარეს

ქურდობა მოხდა წყალტუბოს მუნიციპალიტეტის სოფელ ქვიტირში. შედეგად, ხუთი ცხენი დაიკარგა.

რგოორც მეპატრონეები აცხადებენ, ცხენები ღამით ეზოში ჰყავდათ დაბმული, დილით კი არც ერთი თავის ადგილზე არ დახვდათ.

მეპატრონეებს არ აქვთ ინფორმაცია, რა მოხდა შემთხვევის ღამეს. მოპარულ ცხენებს შორის ერთ-ერთი ის ცხენია, რომელიც წლების განმავლობაში ფაეტონით ქვეყნის მასშტაბით გამართულ სხვადასხვა კულტურულ ღონისძიებაში მონაწილეობდა.