გიორგი მარგველაშვილი პარლამენტში დეპუტატების წინაშე დღეს წარსდგება

საქართველოს პრეზიდენტი გიორგი მარგველაშვილი, პარლამენტში ყოველწლიური მოხსენებით დღეს წარსდგება. ქუთაისში, საკანონმდებლო ორგანოში მზადება დილიდან მიმდინარეობს.

პრეზიდენტის გამოსვლის შემდეგ, საპარლამენტო ტრიბუნა პირველ რიგში დამოუკიდებელ დეპუტატებს დაეთმობა, ამის შემდეგ 15-წუთიანი რეგლამენტით ფრაქციები ისარგებლებენ.

45-45 წუთი გამოიყოფა საპარლამენტო უმცირესობისთვის და უმრავლესობისთვის. პოლიტიკური დებატები კი პარლამენტის თავმჯდომარის მოადგილეების და პარლამენტის თავმჯდომარის გამოსვლებით დასრულდება.

პარლამენტის პლენარული სხდომა 12:00 საათზეა ჩანიშნული.