იმერეთის გუბერნატორმა თანამდებობა დატოვა

იმერეთის გუბერნატორი გივი ჭიჭინაძე თანამდებობიდან გადადგა. 23 მარტიდან იმერეთის მხარის ხელმძღვანელის თანამდებობას პირველი ვიცე-გუბერნატორი გრიგოლ დალაქიშვილი ასრულებს.

გივი ჭიჭინაძე იმერეთის გუბერნატორის პოზიციას 2015 წლიდან იკავებდა. უკვე ყოფილი გუბერნატორი მმართველი გუნდიდან ხონისა და ვანის მაჟორიტარი დეპუტატობისათვის იბრძოლებს. ვანსა და ხონში არჩევნები 28 აპრილს გაიმართება.