Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

ქუთაისის საკრებულოს წევრი აკაკი სიხარულიძე განცხადებას ავრცელებს

თარიღი : 13-01-2014, 16:48 | კატეგორია: პოლიტიკა   
topnews.com.ge
ქუთაისის საკრებულოს ფრაქცია "ქართული ოცნების" წევრი აკაკი სიხარულიძე განცხადებას ავრცელებს, რომელსაც "ტოპნიუსი" უცვლელად გთავაზობთ.
"არ გამკვირვებია, რომ ჩემმა, როგორც თვითმმართველი ქალაქის საკრებულოს წევრის სტატუსის მქონე პიროვნების მიერ გაკეთებულმა ურთიერთგამომრიცხველი შინაარსის მქონე ორმა განცხადებამ საზოგადოების გარკვეულ ნაწილს განმარტების მოთხოვნა გაუჩინა და მეც თავი ვალდებულად ჩავთვალე შესაბამისი ახსნა მიმეცა მათთვის.
არა მხოლოდ როგორც მაჟორიტარული წესით არჩეული დეპუტატი, არამედ უბრალოდ, როგორც რიგითი მოქალაქე, ჩემს ცხოვრებისეულ კრედოდ მივიჩნევდი და დღესაც უპირველესად მიმაჩნია გავფრთხილებოდი საკუთარ ღირსებას, მეგობრობასა და საქმისადმი მაღალ პასუხისმგებლობას და ანალოგიურ მიდგომას ველოდებოდი ჩემს ირგვლივ მყოფდაგან. ეს საზოგადოების რიგი წევრებისათვის შეიძლება მიუღებელი აღმოჩნდეს, მაგრამ ნუთუ არა მაქვს უფლება ვერ ვიტანდე მოჩვენებითობას, ხალხის თვალში სხვისი გაკეთებულის საკუთრივად მიწერას, არ მძულდეს ორპირობა. არ ვმალავ, რომ ყურადღების ზედმეტად კი არა უბრალო მოპყრობისთვისაც კი არ მიცდია საინფორმაციო საშუალებების გამოყენება, მით უმეტეს ოპონირების რეჟიმში. ჩემი ცხოვრებისა და საქმიანობის სტილი უფრო პრაქტიკულ მოქმედებებზეა, თავმდაბლობაზეა, რუტინული შრომის უპირატესობაზეა ორიენტირებული და არა ამბიციებსა ან მომხვეჭელობაზე.
განა პლურალიზმის წინააღმდეგი ვარ, არა მაგრამ როდესაც იგრძნობ კი არა აშკარად დაინახავ, რომ შენი კოლეგა არად დაგიდევს ერთობლივად აღიარებულ შეხედულებებსა და მიდგომებს, ფასეულობებს და რაც ყველაზე მთავარია, ჭეშმარიტ პასუხისმგებლობასთან ერთად ვალდებულებასაც საკუთარი ქალაქისა და საზოგადოების წინაშე, საზოგადოებრივი აზრის გაუთვალისწინებლობას ქალაქის ცხოვრების მნიშვნელოვანი საკითხებზე გადაწყვეტილებების მიღებისას, ნორმალურ ადამიანს ალბათ არ შეიძლება არ აღეძრას პროტესტის გამოთქმის მოვალეობა ან სურვილი.
ყოველთვის ვაფასებდი გულწრფელობას, ვერ ვპოულობდი იმ ადამიანთა ქმედების ახსნას, ვინც ერთს ფიქრობდა, მეორეს ამბობდა და მესამეს აკეთებდა. თქვენს წინაშეც გულწრფელი ვარ და არ გიმალავთ, რომ ჩემს პირველ განცხადებას მოჰყვა არაერთი თანადგომის, გამხნევების და მხარდაჭერის სატელეფონო ზარი. ეს პროცესი ჩემთვის იქცა ირგვლივ მყოფთა გარკვეულ ლუსტრაციადაც რადგან ყოველთვის ვფიქრობდი, რომ ქალაქის მმართველ რგოლებში დაპირისპირებები, გავლენის სფეროთა გადანაწილება, დაულაგებელი ურთიერთობების გადალაგება, საკადრო საკითხების არასამართლიანი ლობირებისათვის საატესტაციო კომისიის გამოყენება, ე.წ. კვოტირების წესის სავალდებულოდ ქცევა, ბიუჯეტის შემოსავლების გადიდების ეგიდით სკვერების და გაზონების სათავისოდ გაიჯარება, ჯიხურების ძველი თემის განახლება და სხვა მსგავსი საკითხები აუცილებლად გამოიწვევდა საზოგადოების დაინტერესებას და აღმოჩნდებოდა საკრებულოს იმიჯის შემლახავი.
დაუშვებლად მიმაჩნდა ქალაქის ახალ ხელმძღვანელებზე ზემოქმედებისა და გავლენის ამგვარი ბერკეტის გამოყენება. ამდენად სწორედ ხელისუფლების ახალი წარმომადგენლებისადმი მხარდაჭერის სურვილმა შემაცვლევინა ჩემი საპროტესტო განწყობილება და გადამაწყვეტინა უფრო გავააქტიურდე ჩემის აზრით ქალაქისათვის ზემოთ ჩამოთვლილი პრობლემების მოხსნისათვის და უარი არ მეთქვა საკრებულოს წევრობის სტატუსზე, ერთის მხრივ და არ გავუშვა შანსი აქტიურად ჩავერთო ქალაქის მერად დღევანდელი მოვალეობის შემსრულებლის, როგორც განათლებული, წესიერი, პატიოსანი, პროფესიონალი, სამეურნეო და მენეჯერული გამოცდილების, პოლიტიკური და იდეოლოგიური მხარდაჭერის მქონე ღირსეული პიროვნების არჩევითობის პროცესში."- ამბობს სიხარულიძე.
შეგახსენებთ, რომ სიხარულიძემ რამდენიმე დრის წინ გადაწყვეტილება მიიღო, დეპუტატის უფლებამოსილება შეეწყვიტა, თუმცა ორ საათში, მანც ეს გადაწყვეტილება შეცვალა.


ნანახია: 1673-ჯერ

მსგავსი სიახლეები
“რაც შევიტანე, ის ისევ უკან გამოვიტანე. აღარ მინდა, დავტოვო საკრებულო“
“რაც შევიტანე, ის ისევ უკან გამოვიტანე. აღარ მინდა, დავტოვო საკრებულო“
ქუთაისის საკრებულოს დეპუტატი ქართული ოცნებიდან, ოთარ ლორთქიფანიძე ფეისბუქზე ჰომოფობოიური შინაარსის განცხადებას ავრცელებს.
გია გოქაძის ინფორმაციით, ქალაქის საკრებულოს თავმჯდომარე თამაზ მარგველაშვილი უახლოესს დღეებში გადადგომის შესახებ განცხადებას
კომისია მიმართავს დაინტერესებულ არასამთავრობო ორგანიზაციებს, ორგანიზაციათა გაერთიანებებსა და მასმედიის წარმომადგენლებს, სურვილის

ამინდი