ქუთაისის „ტორპედო“ სუპერთასის მფლობელი გახდა

ქუთაისის საფეხბურთო კლუბი "ტორპედო" თავისი არსებობის ისტორიაში პირველ გახდა საქართველოს სუპერთასის მფლობელი.

დავით პეტრიშვილის სახელობის არენაზე გამართულ შეხვედრაში ქვეყნის ჩემპიონი თასის მფლობელ საჩხერის „ჩიხურას“ დაუპირისპირდა.

ანგარიში 76-ე წუთზე საჩხერელთა ახალწვეულმა ირაკლი ბუღრიძემ გახსნა.
86-ე წუთზე, ნახევარმცველმა გიორგი კუხიანიძემ ჯერ ანგარიში გაათანაბრა, 90-ე წუთზე კი ლევან კუტალიამ გადამწყვეტი გოლი გაიტანა, ტორპედომ 2:1 მოიგო და სუპერთასს დაეუფლა.