Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

უფასო იურიდიული კონსულტაცია თქვეთვის საინტერესო საკითხებზე (კითხვა-პასუხი)

თარიღი : 9-01-2014, 10:43 | კატეგორია: ახალი ამბები, სამართალი   
topnews.com.ge
„საქართველოს ახალგაზრდა იურისტთა ასოციაციის“ ქუთაისის ფილიალი და საინფორმაციო სააგენტო Topnews.com.ge (გაიგე მთავარი იმერეთში) იწყებს ერთობლივ პროექტს, რომელიც მოქალაქეებისათვის უფასო იურიდიული კონსულტაციის გაწევას ითვალისწინებს.

მოგვმართეთ თქვენთვის საინტერესო კითხვებითა და თემებით ჩვენს ელექტრონულ ფოსტაზე: topnewscomge@gmail.com. თქვენს შეკითხვებს „საქართველოს ახალგაზრდა იურისტთა ასოციაციის“ ქუთაისის ფილიალის იურისტები უპასუხებენ.


1. ა/ წლის 03 იანვარს გარდამეცვალა მამა, რომელსაც საკუთრებაში დარჩა უძრავი ქონება. მაინტერესებს რა ვადაში უნდა მივიღო სამკვიდრო და როდის ითვლება სამკვიდრო მიღებულად?

პასუხი:
განგიმარტავთ, რომ სამკვიდრო მიღებულ უნდა იქნეს ექვსი თვის განმავლობაში სამკვიდროს გახსნის დღიდან. მემკვიდრის მიერ სამკვიდრო მიღებულად ითვლება, როდესაც იგი სანოტარო ორგანოში შეიტანს განცხადებას სამკვიდროს მიღების შესახებ ან ფაქტობრივად შეუდგება სამკვიდროს ფლობას ან მართვას, რაც უდავოდ მოწმობს, რომ მან სამკვიდრო მიიღო. აგრეთვე გაცნობებთ, თუ თქვენ ფაქტობრივად შეუდექით სამკვიდროს ნაწილის ფლობას, ითვლება, რომ მთლიანად მიიღეთ სამკვიდრო, რაშიც უნდა გამოიხატებოდეს და სადაც უნდა იყოს იგი.

2. კითხვა: ვაპირებ სარჩელის შეტანას ჩემი ყოფილი მეუღლის მიმართ ალიმენტის დაკისრების თაობაზე. მაინტერესებს რამდენ ლარს შეადგენს სახელმწიფო ბაჟი ალიმენტის გადახდევინების სარჩელზე?

პასუხი: განგიმარტავთ, რომ საქართველოს სამოქალაქო საპროცესო კოდექსის 46–ე მუხლის 1–ლი ნაწილის თანახმად: მოსარჩელეები - ალიმენტის გადახდევინების სარჩელებზე გათავისუფლებული არიან სახელმწიფო ბიუჯეტის სასარგებლოდ სასამართლო ხარჯების გადახდისაგან.
3. მოგახსენებთ, რომ ვმუშაობ აფთიაქში ფარმაცევტად. ამჟამად ვარ ორსულად. მაინტერესებს რამდენი კალენდარული დღე ეძლევა შვებულება დასაქმებულს ორსულობის და მშობიარობის გამო. რამდენი დღეა აქედან ანაზღაურებადი.

პასუხი: განგიმარტავთ, რომ დასაქმებულს თავისი მოთხოვნის საფუძველზე ეძლევა ორსულობის, მშობიარობისა და ბავშვის მოვლის გამო შვებულება 730 კალენდარული დღის ოდენობით. ორსულობის, მშობიარობისა და ბავშვის მოვლის გამო შვებულებიდან ანაზღაურებადია 183 კალენდარული დღე, ხოლო მშობიარობის გართულების ან ტყუპის შობის შემთხვევაში – 200 კალენდარული დღე.
ორსულობის, მშობიარობისა და ბავშვის მოვლის გამო შვებულება და ახალშობილის შვილად აყვანის გამო შვებულება ანაზღაურდება საქართველოს სახელმწიფო ბიუჯეტიდან, საქართველოს კანონმდებლობით დადგენილი წესით. ორსულობის, მშობიარობისა და ბავშვის მოვლის გამო ანაზღაურებადი შვებულების, აგრეთვე ახალშობილის შვილად აყვანის გამო ანაზღაურებადი შვებულების პერიოდზე გასაცემი ფულადი დახმარების ოდენობაა არაუმეტეს 1000 ლარისა. დამსაქმებელი და დასაქმებული შეიძლება შეთანხმდნენ დამატებით ანაზღაურებაზე.

4. ვარ 18 წლის. არ ვარ არც ნასამართლევი და არც ადმინისტრაციულსახდელდადებული. მაინტერესებს მაქვს თუ არა ცივი იარაღის ტარების უფლება?

პასუხი: განგიმარტავთ, რომ საქართველოს ადმინისტრაციულ სამართალდარღვევათა კოდექსის 1811 მუხლის 1–ლი ნაწილის თანახმად: ქუჩაში, ეზოში, სტადიონზე, სკვერში, პარკში, საგანმანათლებლო დაწესებულებაში, სასამართლოში, აეროპორტში, კინოთეატრში, თეატრში, საკონცერტო დარბაზში, კაფეში, რესტორანში, ყველა სახის საზოგადოებრივ ტრანსპორტში, ავტოსადგურში, რკინიგზის სადგურში და სხვა საზოგადოებრივი თავშეყრის ადგილებში ცივი იარაღის ტარება –გამოიწვევს დაჯარიმებას 200 ლარის ოდენობით.
ამასთან ერთად გაცნობებთ, რომ გარდა იმ შემთხვევისა, როდესაც ცივი იარაღის ტარება იწვევს საჯარო წესრიგის დარღვევას ან ქმნის ამის აშკარა საფრთხეს, ზემოაღნიშნული არ ვრცელდება პირზე, რომელიც ცივ იარაღს ატარებს: ა) პირადი ჰიგიენის მოწესრიგების მიზნით; ბ) საკვების მომზადების ან/და მიღების მიზნით; გ) თავისი პროფესიული საქმიანობის განხორციელების მიზნით; დ) ნადირობის, თევზაობის ან/და მცენარეული პროდუქტების შეგროვების მიზნით; ე) სასოფლო-სამეურნეო საქმიანობის ან/და მესაქონლეობის განხორციელების მიზნით; ვ) იმ დროს, როდესაც აცვია ეროვნული ტანსაცმელი და ცივი იარაღი (ხანჯალი, ხმალი და სხვ.) ამ ტანსაცმლის ნაწილია.

5. მოგახსენებთ, რომ დედაჩემი არის ასაკით პენსიონერი. მან შესაძლებელია მუშაობა დაიწყოს ერთ–ერთ საჯარო სკოლაში ისტორიის მასწავლებლად. გთხოვთ, განმიმარტოთ შეუწყდება თუ არა მას მუშაობის დაწყების შემთხვევაში პენსია?

პასუხი: განგიმარტავთ, რომ „სახელმწიფო პენსიის შესახებ“ საქართველოს კანონის მე–17–ე მუხლის 1–ლი პუქტის „ბ“ ქვეპუნქტის თანახმად: პენსია (მხოლოდ ფულადი სარგებელი) შეწყდება საჯარო საქმიანობის განხორციელების პერიოდში. ამავე კანონის მე–4 მუხლის „გ“ ქვეპუნქტის თანახმად: საჯარო საქმიანობად არ ითვლება ზოგადსაგანმანათლებლო დაწესებულებაში განხორციელებული შრომითი ანაზღაურებადი საქმიანობა.


მოგვმართეთ თქვენთვის საინტერესო კითხვებითა და თემებით ჩვენს ელექტრონულ ფოსტაზე: topnewscomge@gmail.com. თქვენს შეკითხვებს „საქართველოს ახალგაზრდა იურისტთა ასოციაციის“ ქუთაისის ფილიალი უპასუხებს.



იურიდიული კონსულტაცია

მისამართი: ქუთაისი, კოსტავას ქუჩა N11
ტელ. 0(431)241192
ელ.ფოსტა: Kutaisi@gyla.ge
საქართველოს ახალგაზრდა იურისტთა ასოციაციის ქუთაისის ფილიალი


ნანახია: 3346-ჯერ

მსგავსი სიახლეები
რა სახის სასჯელს ითვალისწინებს არასრულწლოვნის დათრობა, ცივი იარაღის ტარება ან ნარკოტიკული საშუალების ექიმის გარეშე
დასაშვებია თუ არა განქორწინება ორსულბის პერიოდში?, რა ვადაში შეუძლია დასაქმებულს გათავისუფლების ბრძანების გასაჩივრება?-ამ და სხვა
უფასო იურიდიული კონსულტაცია თქვეთვის საინტერესო საკითხებზე (კითხვა-პასუხი)
რა სასჯელს იწვევს კრედიტის უკანონოდ მიღება და წვრილმანი ხულიგნობა?როგორ ისჯება გადასახადისათვის თავის არიდება?-ეს და სხვა
როდის აქვს პოლიციელს სროლის უფლება?აქვს თუ არა მსჯავრდებულს საპატიმროს დროებით დატოვების უფლება?
საიას ქუთაისის ფილიალი და საინფორმაციო სააგენტო Topnews.com.ge იწყებს ერთობლივ პროექტს, რომელიც მოქალაქეებისათვის უფასო იურიდიული