ყვავილები და სუვენირები ეტლით-სიახლე ქუთაისის მოსახლეობისა და ტურისტებისათვის

ქუთაისის ცენტრალურ ბაღში ყვავილებით მორთული ეტლი გამოჩნდა. ეტლის ფორმის კონსტრუქცია სხვადასხვა სახეობის ყვავილისა და სხვადასხვა დასახელების სუვენირის განთავსებისთვის გამოიყენება.

იდეის ავტორი ქუთაისში, თამარ მეფის 15 ნომერში მდებარე ყვავილების სალონი Flowers 4U (ყვავილები შენთვის) არის. როგორც ცნობილია, ყვავილებით მორთული ეტლი ცენტრალური ბაღის გარდა, ეტაპობრივად ქუთაისის სხვადასხვა ნაწილში განთავსდება.

ადგილზე გაიყიდება როგორც ყვავილები, ისე სუვენირები.

"ვფიქრობთ, სასიამოვნო სიახლეა ჩვენი ქალაქის მოსახლეობის, სტუმრებისა და ტურისტებისათვის. საუკეთესო ხარისხის ყვავილებისა თუ სუვენირების შეძენა შესაძლებელი იქნება ქუთაისის სხვადასხვა ნაწილში, მათთვის მოსახერხებელ ადგილას," - აცხადებენ ყვავილების სალონ "Flowers 4U"-ში.