რა ღონისძიებები იგეგმება ქუთაისში დავითობის დღესასწაულზე

8 თებერვალს ქართული მართლმადიდებლური ეკლესია წმიდანად შერაცხული მეფის, დავით აღმაშენებლის ხსენების დღეს აღნიშნავს.

დღესასწაული ქუთაისში დავით აღმაშენებლის ძეგლის შემკობით იწყება, ღონისძიება 10:30 საათზე ჩატარდება დავით აღმაშენებლის ძეგლთან, მხარისა და ქალაქის ხელმძღვანელი პირების მონაწილეობით. ასევე, მონაწილეობას მიიღებს. ა.წერეთლის სახელმწიფო უნივერსიტეტის ანსამბლი "ადელა" და კადეტთა ლიცეუმის აღსაზრდელები.

12:00 საათზე, გელათში ჩატარდება საზეიმო წირვა. წირვას დაესწრებიან და დავით აღმაშენებლის ძეგლს პატივს მიაგებენ ჩოხოსნები და იმერეთის ხელმძღვანელები და ჩოხოსნები.

13:00 გელათის აკადემიის შენობაში ჩატარდება ხელნაწერთა ეროვნული ცენტრის გამოფენა: "დავით აღმაშენებლის მემკვიდრეობა ხელნაწერთა ეროვნული ცენტრი კოლექციებში".

ასევე პირველ საათზე, საგალობლების ფესტივალში მონაწილეობას მიიღებენ: "ანჩის ხატი", "აღსავალი", "იადგარი", ბაღდათის სალოტბარო სკოლის გუნდი.

ქუთაისის ცეკვისა და სიმღერის სახელმწიფო ანსამბლის კონცერტი კი ჩატარდება დღის ბოლოს ლ.მესხიშვილის სახელოფის თეატრში 18:30 საათზე.