კომპანიას, რომელმაც ქუთაისის მერიას 20 000 ლარად შეფასებული ავტომანქანა აჩუქა, 'ტორპედო'-ს მოედანს გადასცემენ

ქუთაისის საფეხბურთო კლუბი „ტორპედო“ ახალ სეზონს სიახლეებით იწყებს. კლუბს ახალი ლოგო და ეკიპირება აქვს. გარდა ამისა, კლუბის გენერალური სპონსორი „კრისტალბეთი“ გახდა.

კლუბის სპონსორობის სანაცვლოდ, „კრისტალბეთს“ ქუთაისის რამაზ შენგელიას სახელობის ტორპედოს მოედანი გადაეცემა. „კრისტალბეთი“ ის კომპანიაა, რომელმაც ქუთაისის მერიას 20 000 ლარად შეფასებულ „ჰიუნდაი სონატა“-ს მარკის მსუბუქი ავტომობილი აჩუქა. აღნიშნული ავტომობილით ქალაქის საკრებულოს თავმჯდომარე ნიკა ლატარია გადაადგილდება.
My Webpage
როგორ ახალი ამბების სააგენტო Topnews.com.ge-სათვის არის ცნობილი, კერძო კომპანიისათვის საფეხბურთო მოედნის გადაცემასთან დაკავშირებით ქალაქის ხელისუფლებაში შეთანხმება მიღწეულია. კერძოდ, საკითხს ქალაქის საკრებულოში საკრებულოს თავმჯდომარის მოადგილე რამაზ ჩხიკვაძე კურირებს, რომელიც საფეხბურთო კლუბ „ტორპედო“-ში წლების განმავლობაში საქმიანობდა.

საფებურთო მოედნის გასხვისებასთან დაკავშირებით ქალაქის მერიაში აცხადებენ, რომ ამ დროისათვის გადაწყვეტილი არაფერია.