თერჯოლის მერი: ვზრუნავთ, რომ მაქსიმალურად ხარისხიანი კვება, ეკოლოგიურად სუფთა სასმელი წყალი შევიტანოთ ბაღებში

თერჯოლის მუნიციპალიტეტის მერმა ბონდო სოფრომაძემ ა(ა)იპ სკოლამდელი აღზრდის მუნიციპალური ცენტრის თანამშრომლებსა და მუნიციპალიტეტის საბავშვო ბაღების დირექტორებთან შეხვედრა გამართა. შეხვედრაზე სკოლამდელი აღზრდის დაწესებულებებში არსებულ პრობლემებზე, მათი მოგვარების გზებსა და სამომავლო გეგმებზე იმსჯელეს.

„მომავალ თაობაზე ყველამ ერთად უნდა ვიზრუნოთ, სასურველი შედეგის მისაღწევად კი მაქსიმალური თანამშრომლობაა საჭირო. ჩვენ ვზრუნავთ, რომ მაქსიმალურად ხარისხიანი კვება, ეკოლოგიურად სუფთა სასმელი წყალი შევიტანოთ ბაღებში, უზრუნველყოფილი იყოს ბუნებრივი აირით გათბობის სისტემის დამონტაჟება, მოწესრიგებული იყოს სველი წერტილები და ზოგადად ინფრასტრუქტურა. პრობლემები არსებობს, მაგრამ ჩვენ დასახული გვაქვს მათი მოგვარების გზები,"- აღნიშნა ბონდო სოფრომაძემ.