წერეთლის უნივერსიტეტი მომდევნო წლებში სასწავლებელში ინფრასტრუქტურის განვითარებაზე იზრუნებს

ქუთაისის აკაკი წერეთლის სახელმწიფო უნივერსიტეტში სასწავლებლის სტრატეგიული გეგმის განხილვა და პოტენციურ დამსაქმებლებთან შეხვედრა გაიმართა.

სასწავლებლის რექტორის გიორგი ღავთაძის თქმით, სტრატეგიული გეგმა უნივერსიტეტის ინფრასტრუქტურისა და სტუდენტური სერვისების განვითარებას, ასევე, სწავლა-სწავლების პროცესის დახვეწას ითვალისწინებს.

როგორც რექტორმა აღნიშნა, უნივერსიტეტი საზოგადოების ერთ-ერთი აქტიური წევრია და თავს ვალდებულად თვლიან სასწავლებელში მიმდინარე მოვლენების შესახებ საზოგადოების ინფორმირება მოხდეს.