ქუთაისში პოლიციელმა მეხუთე კლასის მოსწავლე სცემა?

ქუთაისში მეხუთე კლასის მოსწავლე პოლიციელმა სცემა. შემთხვევა ქალაქის N30 საჯარო სკოლაში მოხდა.

როგორც მოსწავლის ბიძა ლევან ქემოკლიძე აცხადებს, მოსწავლეებს შორის კამათი მოხდა.

„ჩემმა დისშვილმა თქვა, რომ ისეთ სიტყვას ეძახდნენ, რაც არ მოსწონდა, „ქალუსიას“ მეძახდნენო. მეორე დღეს მივარდნილა სკოლაში პოლიციელი ვინმე მამუკა დავლაძე, ყურებს დაგაჭრით ბავშვებოო და ჩემი დისშვილისთვის სახეში გაურტყამს. ატირებული იყო ბავშვი. ვარკვევ დეტალებს. შსს-ს გენერალურ ინსპექციაშიც დავრეკე,“ - ამბობს ქემოკლიძე.

შინაგან საქმეთა სამინისტროში აცხადებენ, რომ მომხდართან დაკავშირებით ინფორმაციას იძიებენ.