ქუთაისში მე-3 სკოლის დაწყებითების მასწავლებელი სკოლიდან ბავშვების ცემის გამო გაუშვეს

ქუთაისის მე-3 საჯარო სკოლის დაწყებითების პედაგოგი მოსწავლეების მიმართ არასათანადო მოპყრობის გამო, სკოლიდან გაათავისუფლეს.

იმერეთის ახალი ამბების სააგენტო topnews.com.ge-ს ქუთაისის რესურს ცენტრის ხელმძღვანელის ბადრი ვაშაკიძემ განუცხადა, რომ გათავისუფლებული პედაგოგი ბავშვებს ხშირად ფიზიკურად უსწორდებოდა.

"ჩვენ დირექტორმა ჩაგვაყენა საქმის კურსში ამ პედაგოგთან დაკავშირებით, ამის შემდეგ მასწავლებელით დაინტერესდა დისიპლინარული საბჭო და მოხდა პედაგოგის გათავისუფლება. დაწყებითების მწასვალებელია. წლების განმავლობაში ეს მასწავლებელი ასე ექცეოდა ბავშვებს. მშობლებიც იგივეს ამბობენ. ასეთი ჩვევა ჰქონდა პედაგოგს. ეს საქმე შესაძლოა, სისხლის სამართლის საქმე გახდეს და უფრო დაზუსტდება ყველაფერი. დისციპლინურმა კომისიამ განიხილა ეს საქმე და გადაწყვეტილება დირექტორმა მიიღო“ , - განაცხადა ბადრი ვაშაკიძემ.