ქუთაისში, მესხიშვილის თეატრთან დაკავებულ პირუტყვს პატრონი არ გამოუჩნდა

ქუთაისის ცხოველთა თავშესაფარში დაკავებული შინაური პირუტყვის პატრონს ეძებენ. აღნიშნულთან დაკავშირებით თავშესაფრის ადმინისტრაცია განცხადებას ავრცელებს.

"პეციალურმა სერვისებმა" მიმდინარე წლის 20 ოქტომბერს, მესხიშვილის თეატრის მიმდებარე ტერიტორიიდან მოახდინა ორი სული მსხვილფეხა პირუტყვის ადმინისტრირება, რომელებიც გადაყვანილი იქნა თავშესაფრის სადგომზე. ამ ხნის მანძილზე აღნიშნულ პირუტყვს არ გამოუჩნდა პატრონი. კიდევ ერთხელ მივმართავთ მოსახლეობას: ნუ დატოვებთ პირუტყვს უმეთვალყურეოდ! აღნიშნული მსხვილფეხა პირუტყვის მეპატრონეს კი ვთხოვთ, მოგვაკითხოთ მისამართზე: ავტომშენებლის №53–ში ან დაგვირეკოთ ცხელ ხაზზე: 29–87–67ან 29–87–70," - ნათქვამია გავრცელებულ განცხადებაში.