10 კვერცხი, ზეთი, მაკარონი, მაიონეზი, – ქუთაისის მერის საჩუქრები სპორტსმენებს

იმერეთის გუბერნატორის ზაზა მეფარიშვილის და ქუთაისის მერის მოვალეობის შემსრულებლის შოთა მურღულიას მიერ ვეტერან სპორტსმენებზე გადაცემული საჩუქრებით სპორტსმენები შეურაცხყოფილები დარჩნენ.
როგორც Topnews.com.ge-ს ერთ-ერთმა ვეტერანმა სპორტსმენმა განუცხადა, ქუთაისის მერიამ მათ მრავალშვილიანი დედების საჩუქრები გადასცა.
“10 კვერცხი, ერთი ბოთლი ზეთი, “სგუშონი”, მაკარონი და მაიონეზი, ეს გადმოგვცეს საჩუქრებად იმერეთის გუბერნატორმა, ქუთაისის მერმა და ქალაქის საკრებულოს თავმჯდომარემ. მრავალშვილიანი დედა მეგონა თავი. შარშან ერთი ბოთლი ღვინო მოგვცეს და ის სჯობდა,”– ამბობს ერთ–ერთი ვეტერანი სპორტსმენი.