Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

რას უმზადებენ ქუთაისელებს ახალ წელს?

თარიღი : 27-12-2013, 11:53 | კატეგორია: ახალი ამბები, საზოგადოება   
topnews.com.ge
ქუთაისის ადგილობრივმა ხელისუფლებამ საახალწლო ღონისძიებების პროგრამა უკვე შეიმუშავა. 2013 წლის ბოლო დღეს, 31 დეკემბერს, დღის განმავლობაში პატარებისათვის გასართობი ღონისძიებები გაიმართება და ქალაქში თოვლის ბაბუის მსვლელობა მოეწყობა. თოვლის ბაბუა თავად ესტუმრება მრავალშვილიანი ოჯახების ბავშვებს. 31 დეკემბერს ქალაქში დილიდან იმოძრავებს ღია ავტობუსი, სადაც თოვლის ბაბუასთან ერთად ისხდებიან ბერიკების და ნიღბების თეატრის მსახიობები. ავტობუსი მოივლის ქალაქის ყველა უბანს, მუნიციპალიტეტებთან შეხვდება მრავალშვილიანი ოჯახების ბავშვებს, რომელთაც დაურიგებს საახალწლო საჩუქრებს. ბერიკების და ნიღბების თეატრის მსახიობები კი ბავშვებისთვის მცირე პერფომანსებს გამართავენ.
ასევე, 31 დეკემბერს, მონპლაზირის თაღის მიმდებარე ტერიტორიაზე 10:00-18:00 საათის ჩათვლით საახალწლო ბაზრობა მოეწყობა, სადაც ქუთაისელი დიზაინერების მიერ საახალწლო თემატიკაზე შექმნილი ხელნაკეთი ნაძვის ხის სათამაშოები (თექა, გობელენი, ბისერი, თიხა), საახალწლო აქსესუარები და მისალოცი ბარათები გაიყიდება. წინასაახალწლო ბაზრობაზე საკუთარი პროდუქციის გამოტანის სურვილი გამოთქვეს ადგილობრივმა კაფეებმა: "ჩაის სახლმა" (ჩაის ასორტიმენტი, სასუვენირე ნამცხვრები საახალწლო სურვილებით) დ კაფე "პალატმა" (გლინტვეინი, ფიჭის თაფლი და ა.შ.)
მოსახლეობისათვის საახალწლო განწყობის შექმნის მიზნით ტერიტორია მოირთვება დიზაინერების მიერ გაწყობილი ნაძვის ხეებით. აივნებზე გადმოიფინება ფარდაგები, გაჟღერდება საახალწლო მელოდიები და ა.შ. მონპლაზირის მიმდებარე ტერიტორიაზე აგრეთვე გაიმართება გასართობი თეატრალიზებული წარმოდგენები თოჯინების თეატრის, ბერიკების თეატრის და ნიღბების თეატრის მონაწილეობით. აქვე განთავსდება თოვლის ბაბუა შესაბამისად მორთულ ქოხში, სადაც შეინახება სპეციალურად ამ დღისთვის დამზადებული გოზინაყი, რომელსაც თოვლის ბაბუა ბავშვებს დაურიგებს.
ამავე დღეს, 20:00-24:00 საათის ჩათვლით ქალაქის ცენტრალურ მოედანზე საახალწლო კონცერტი გაიმართება. კონცერტში მონაწილეობას სახელმწიფო ანსამბლი, მიმი ჯავახიშვილი, ელეონორა გოგოლაშვილი, ინდირა ჯგერნაია, ქეთი კვიცარიძე, შოთიკო ბანძელაძე და ბენდი "მუზეუმი", გიორგი სტურუა, ლიზი შავგულიძე, ლელა ლომთაძე, თიკო გრძელიშვილი, ჯგუფი "სამი-ზნე", ჯგუფი "ჩროსს როად", ჯგუფი "განგაში", ჯგუფი "რევანში", ჯგუფი "რევერსი“, რობი კუხიანიძე და ჯგუფი "აუტსაიდერი". რაც შეეხება საახალწლო კონცერტის წამყვანებს, მას აკო ანდღულაძე და ელეონორა გოგოლაშვილი გაუძღვებიან.
საახალწლო ღონისძიებების პროგრამის ფარგლებში, 1 და 2 იანვარს 14:00 საათზე მ. ბალანჩივაძის სახელობის ოპერისა და ბალეტის პროფესიული სახელმწიფო თეატრი ბავშვებს უმასპინძლებს. ბავშვებისთვის გაიმართება ნიღბების თეატრის წარმოდგენა "ზღაპრული შოუ", რომლის დასრულების შემდეგ პატარებს საახალწლო საჩუქრები დურიგდებათ.

2 იანვარს სახალწლო ღონისძიები კიკვიძის სკვერის მიმდებარე ტერიტორიაზეც შედგება. 17: 00 საათზე სკვერში ქუთაისის კულტურულ, სახელოვნებო და საგანმანათლებლო გაერთიანებაში შემავალი მუსიკალური ჯგუფების მიერ გაიმართება კონცერტი. ხოლო 3 და 4 იანვარს საახალწლო ღონისძიებებს ქუთაისის ყინულის მოედანი უმასპინძლებს. ქუთაისში მცხოვრებ სოციალურად დაუცველი ოჯახების ბავშვებისთვის გაიმართება საახალწლო წარმოდგენა, რომლის დასრულების შემდეგ პატარებს დაურიგდებათ საახალწლო საჩუქრები.


ნანახია: 3713-ჯერ

მსგავსი სიახლეები
საინფორმაციო სააგენტო Topnews.com.ge ქუთაისის მერიის მიერ დაგეგმილ საახალწლო ღონისძიებების სიას წარმოგიდგენთ.
ქუთაისის მერიის პრესსამსახური ქალაქში დაგეგმილ წინასაახალწლო ღონისძიებების განრიგს აქვეყნებს.
საინფორმაციო სააგენტო Topnews.com.ge გთავაზობთ ქუთაისის მერიის კულტურის სამსახურის მიერ შემუშავებულ საახალწლო ღონისძიებების
ბავშვებისთვის თოჯინების სახლის მიერ პოპულარული ანიმაციური ფილმებისა და ზღაპრების გმირების მონაწილეობით წარმოდგენა გაიმართება.

ამინდი