'ზაფხულში მტვერი გვახრჩობდა, ახლა ტალახი გვახრჩობს,'- მოსახლეობის აქცია ქუთაისში

ქუთაისში, გაპონოვის ქუჩის მოსახლეობამ ქუჩაზე არსებული ინფრასტრუქტურული პრობლემები აქციით გააპროტესტა.

მოსახლეობის თქმით, გადათხრილი გზისა და მტვრის გამო, ზაფხულის პერიოდში ფანჯრის გაღების და გარეთ გამოსვლის პრობლემა ჰქონდათ, ამჯერად კი ტალახს უჩივიან. როგორც აქციის მონაწილეები ამბობენ, ქუჩაზე სხვა პრობლემაც აქვთ. მაგალითად ის, რომ ფეკალური მასები ეზოებში შესდით.

აქციას „თავისუფალი საქართველოს“ ქუთაისის მერობის კანდიდატი გოგი წულაია შეუერთდა. წულაია მერობის შემთხვევაში მოსახლეობას პრობლემის გადაჭრას დაპირდა.
„მანამ ვედები, რომ აქციების საშუალებით ხელისუფლებას გზის მოწესრიგება დავაჩქარებინო,“ - ამბობს წულაია.

საქართველოს გაერთიანებული წყალმომარაგების კომპანიაში აცხადებენ, რომ გაპონოვის ქუჩაზე გზის დაგების სამუშაოები ხვალიდან დაიწყება.