სტუდენტების წინასაახალწლო წვეულება რესტორან „გრანდ პალასში “

ქუთაისის აკაკი წერეთლის სახელმწიფო უნივერსიტეტის სტუდენტურმა თვითმმართველობამ სტუდენტებს საახალწლო საღამო მოუწყო. თვითმმართველობამ ასეულობით სტუდენტს რესტორან „გრანდ პალასმა“ უმასპინძლა, სადაც მიწვეული სტუმრების განწყობაზე ჯგუფებმა „Green room“ და „პორნო პოეზიამ“ იზრუნეს.
როგორც Topnews.com.ge-ს საღამოს ორგანიზატორმა ლევან ბიგვავამ განუცხადა, გასული წლებისგან განსხვავებით, სტუდენტური თვითმმართველობის გადაწყვეტილებით საახალწლო საღამოს 700-მდე სტუდენტი დაესწრო.
„მიხარია, რომ ასეულობით სტუდენტი დღეს არაჩვეულებრივ დროს ატარებს. იყო რაღაც ხარვეზები, თუმცა ყველაფერმა საერთო ჯამში იდეალურად ჩაიარა,“- ამბობს ბიგვავა.
სტუდენტური თვითმმართველობის პრეზიდენტის ირაკლი ჯიშკარიანის თქმით, უკვე ოთხი წელია ისინი სტუდენტებს საახალწლო საღამოებს უწყობენ, თუმცა დღევანდელი საღამო, მისი თქმით, განსხვავებულია.
„ჩვენ მიერ გაკეთებული საღამოებიდან, დღევანდელ საღამოს გამოვყოფდი. მიზანი შესრულებულია. იმედი მაქვს, სტუდენტებმა ძალიან კარგი დრო გაატარეს“ – აღნიშნა თვითმმართველობის პრეზიდენტმა.
სტუდენტური საღამო ფოიერვერკით დასრულდა.