იმერეთის რეგიონის ბრენდინგზე მსოფლიო ბანკის ექსპერტები მუშაობენ

იმერეთის სამხარეო ადმინისტრაციაში მსოფლიო ბანკის წარმომადგენლებთან შეხვედრა გაიმართა. შეხვედრას იმერეთის გუბერნატორი გივი ჭიჭინაძე, პირველი მოადგილე გრიგოლ დალაქიშვილი და ვიცე–გუბერნატორი იოსებ ხახალეიშვილი ესწრებოდნენ. იმერეთის გუბერნატორმა უცხოელ ექსპერტებს იმერეთის რეგიონის ტურისტული პოტენციალი გააცნო და ასევე, მათ ამ მიმართულებით არსებული დეტალური ინფორმაციის მიწოდებაც დაჰპირდა.

იმერეთის გუბერნატორის ადმინისტრაციის ინფორმაციით, მსოფლიო ბანკის ექსპერტები ამ ეტაპზე სტრატეგიულ დოკუმენტზე მუშაობენ, რომლის ფარგლებშიც რეგიონის ბრენდინგი მოხდება და ტურიზმის სტიმულიურების მიზნით, კერძო სექტორისთვის სამოქმედო გეგმა შეიქმნება.